Dil bağı (ankiloglossiya) və dodaq bağı

Dilin əmmə, udma, çeynəmə, qidanı ağızda çevirmək və danışmaq kimi funksiyaları var. Bunları yerinə yetirmək üçün dil ağız boşluğunda sərbəst hərəkət etməlidir. Dilaltı qədəh dili ağız döşəməsinə birləşdirən yumşaq toxumadır. Bəzən bu toxuma dilin hərəkətini məhdudlaşdıracaq qədər qısa və qalın olur — dil aşağı, yuxarı və yanlara rahat hərəkət edə bilmir.

Həkimin izahına görə dilaltı qədəhin qısalığına qızlardan çox oğlanlarda rast gəlinir və bu vəziyyət çox vaxt irsi olur.

Körpələrdə:

• əmmə çətinliyi;
• kifayət qədər çəki almamaq;
• ana üçün əmizdirmə zamanı ağrı.

Böyük uşaqlarda:

• bəzi səslərin tələffüzündə çətinlik — xüsusən dilin yuxarı qalxmasını tələb edən «R» səsində; həmçinin «L», «T», «Ç» kimi səslərdə;
• dili tam çölə çıxara bilməmək;
• bərk qidaları (alma, kök, ət) çeynəməkdə çətinlik;
• yemək zamanı narahatlıq.

Həkimin izahı: «“Uşağın dilaltı qədəhi qısadır, ona görə danışmır” demək düzgün deyil. Dilaltı qədəhin qısalığı nitqin ümumi inkişafına təsir etmir; yalnız tələffüzün pozulmasına, dislaliyanın bəzi növlərinin yaranmasına səbəb ola bilər.» Uşaq ümumiyyətlə gec danışırsa, səbəb başqa ola bilər və pediatr müayinəsi lazımdır.

BloqDil bağı nitqə təsir edirmi?

• körpə süd əmə bilmir və ya əmərkən tez yorulur;
• uşaq danışarkən çətinlik çəkir;
• dilin hərəkəti məhduddur.

Sadə və qısa prosedurla dilaltı bağ kəsilir; prosedur bir neçə dəqiqə çəkir, körpələrdə təsiri tez hiss olunur. Əməliyyatın lazım olub-olmamasına yalnız uşaq cərrahı qərar verir. Körpələrdə yerli keyləşdirmə, böyük uşaqlarda vəziyyətə görə sedasiya tətbiq oluna bilər.

Üst dodağı diş ətinə birləşdirən bağın qısa olması da müayinə tələb edə bilər. Həkim dil və dodaq bağları ilə bağlı müraciət edən uşaqları qəbul edir.