Uşaq cərrahiyyəsi · Uşaq urologiyası
Uşaq cərrahı Dr. Əlituran Hüseynzadə
Yenidoğulmuş dövründən yeniyetməlik yaşınadək uşaqlarda sünnət, hipospadiya, enməmiş xaya, batıq penis, qasıq və göbək yırtığı və digər cərrahi problemlərin müayinəsi və müalicəsi.
- Kraton Clinic, Bakı
- Azərbaycan Tibb Universiteti · uşaq cərrahiyyəsi rezidenturası (2019–2024)
- Gəncə, Masallı, Quba, Qusar, Siyəzən, Lənkəran — bölgə qəbul günləri
- Qəbul Azərbaycan və rus dillərində
- Yenidoğulmuş
- Körpəlik
- Erkən uşaqlıq
- Məktəb yaşı
- Yeniyetməlik
Həkim haqqında
Uşaq cərrahiyyəsi və uşaq urologiyası
Dr. Əlituran Hüseynzadə uşaq cərrahiyyəsi sahəsində fəaliyyət göstərən həkim-cərrahdır: uşaqlarda cərrahi xəstəliklərin diaqnostikası və müalicəsi, müasir cərrahi və mikrocərrahi yanaşmalar üzrə çalışır. Azərbaycan Tibb Universitetini bitirib, 2019–2024-cü illərdə universitetin göndərişi ilə Bakı Sağlamlıq Mərkəzində uşaq cərrahiyyəsi üzrə rezidentura keçib; 2026-cı ildən Bakıda Kraton Clinic-də çalışır. Sünnət, hipospadiya (peyğəmbər sünnəti), enməmiş xaya, batıq penis, qasıq və göbək yırtığı, dil bağı və digər uşaq cərrahi və uroloji problemlərlə bağlı qəbul aparır.
«Hər bir pasiyentə fərdi yanaşır, düzgün diaqnoz və təhlükəsiz müalicə prinsipi ilə çalışıram. Məqsədim uşaqların sağlam və rahat şəkildə gündəlik həyatlarına qayıtmasıdır.»
Valideynlər üçün
Hansı hallarda uşaq cərrahına müraciət etməli?
Bəzi əlamətlər «normaldır, böyüyəndə keçər» deyə düşünülür. Amma bu, hər zaman belə deyil. Dr. Hüseynzadənin valideynlərə tövsiyə etdiyi əsas hallar:
- Qarın ağrısı Xüsusən güclənirsə, qusma, hərarət və ya qarında sərtlik varsa. Ağrıkəsici verib «keçəcək» deyə gözləmək olmaz. Uşaqlarda appendisit
- Şişkinliklər Göbəkdə, qasıqda və ya xaya torbasında. Uşaqlarda qasıq yırtığı
- Xayanın xaya torbasında olmaması Enməmiş xaya. Enməmiş xaya (kriptorxizm) və orxiopeksiya
- Cinsiyyət orqanının quruluşunda qeyri-adilik Sidik kanalının dəliyinin ucda olmaması, «anadangəlmə sünnətli» görünüş, penisin «gizlənməsi». Hipospadiya (peyğəmbər sünnəti)
- Sidiklə bağlı şikayətlər Çətin sidiyə çıxma, nazik və ya dağınıq axın, sidik zamanı yanma, sidikdə qan, təkrarlanan infeksiya. Uşaqlarda sidik yolu infeksiyası, sistit və sidikdə qan
- Davamlı qəbizlik Anus nahiyəsində qızartı və hər defekasiyada ağrı. Qəbizlik: nə vaxt cərrahi qiymətləndirmə lazımdır
- Sünnətdən əvvəl Gizli anomaliyaları vaxtında aşkarlamaq üçün hər oğlan uşağının müayinəsi. Uşaqlarda sünnət
Həkimin tövsiyəsi: uşaq yenidoğulmuş dövründə uşaq cərrahı tərəfindən müayinə olunmalı, sonrakı dövrdə isə müntəzəm — təxminən altı aydan bir — həkim müayinəsindən keçməlidir.
Xidmətlər
Əsas istiqamətlər
- Sünnət Körpələrdə yerli keyləşdirmə, böyük və qorxan uşaqlarda sedasiya ilə; əməliyyatdan əvvəl mütləq müayinə.
- Hipospadiya (peyğəmbər sünnəti) Sidik kanalı dəliyinin yerdəyişməsi ilə müşayiət olunan anadangəlmə vəziyyət; bərpa əməliyyatı. Belə uşaqlar sünnət edilmir.
- Enməmiş xaya Xayanın xaya torbasına endirilməsi — orxiopeksiya; əməliyyatın vaxtı vacibdir.
- Batıq penis Penisin «gizli» görünməsi; cərrahi korreksiya, sonra ölçüyə uyğun sünnət.
- Qasıq və göbək yırtığı Qasıq yırtığı öz-özünə keçmir; göbək yırtığında gözləmə müddəti yaşa və ölçüyə görə təyin olunur.
- Dil bağı Əmmə və tələffüzə mane olan qısa dilaltı pərdənin qiymətləndirilməsi və kəsilməsi.
- Qarın ağrısı və appendisit Qarın ağrısında hansı əlamətlər təcili müayinə tələb edir.
- Bütün xidmətlər Fimoz, xayada maye və kista, varikosel, sidik yolu problemləri, dərialtı törəmələr, əlavə və bitişik barmaqlar və digərləri.
Sünnət
Sünnət haqqında dörd əsas fikir
Ən uyğun vaxt — erkən yaş. Həkim iki həftə ilə iki ay arasını həm sağalma, həm uşağın psixologiyası, həm də valideynin qulluğu baxımından ən uyğun dövr hesab edir.
Keyləşdirmə yaşa və uşağa görə seçilir. Körpələrdə yerli keyləşdirmə, bir yaşdan böyük və qorxan uşaqlarda sedasiya (yüngül narkoz). Qərar müayinədən sonra valideynlə birlikdə verilir.
Sünnətdən əvvəl müayinə mütləqdir. Hipospadiya, batıq penis və digər anomaliyalarda standart sünnət edilmir.
Sünnət cərrahi əməliyyatdır. Steril əməliyyatxana şəraitində, uşaq cərrahı və ya uşaq uroloqu tərəfindən aparılmalıdır — ixtisası olmayan şəxslərin («dəllək» və s.) etdiyi sünnət uşağın sağlamlığını təhlükəyə ata bilər.
- Doğuş
- 2 həftə
- 2 ay
- 3 ay
- 1 yaş
- 2 yaş
- 5 yaş
- 7 yaş
- 17 yaş
Keyləşdirmə üsulu uşaq müayinə edildikdən sonra valideynlə birlikdə seçilir; 6–7 yaşdan böyük uşaq qorxursa, sedasiya seçilir.
Qəbul və müayinə
Qəbulda nə baş verir
-
Söhbət
Həkim şikayətləri, uşağın doğuş və inkişaf tarixçəsini, əvvəlki xəstəlikləri, ailədə qanaxma xəstəliklərinin olub-olmadığını soruşur.
-
Fiziki müayinə
Şikayətə uyğun olaraq qarın, qasıq, göbək, cinsiyyət orqanları, xaya torbası, dəri və digər nahiyələr yoxlanılır. Sünnətdən əvvəl müayinə xüsusilə vacibdir: hipospadiya, batıq penis, sidik kanalı dəliyinin darlığı və ya pərdəsi kimi gizli anomaliyalar məhz bu mərhələdə aşkarlanır.
-
Qərar
Həkim müayinənin nəticəsini izah edir: müşahidə, əlavə müayinə, dərman müalicəsi və ya əməliyyat. Hər vəziyyətdə əməliyyat lazım olmur.
Bölgələr
Bölgələrdə qəbul
Bakıdan kənarda yaşayan ailələr üçün Dr. Hüseynzadə mütəmadi olaraq bölgələrdə qəbul günləri keçirir: Gəncə (Ankara Klinikası), Masallı, Quba, Qusar, Siyəzən, Lənkəran. Tarixlər hər ay həkimin sosial şəbəkə səhifələrində elan olunur; qəbul öncədən qeydiyyatla aparılır.
Növbəti qəbul günləri
Tarixlər həkimin sosial şəbəkə səhifələrində elan olunur. Dəqiq tarixi öyrənmək üçün həkimlə birbaşa əlaqə saxlayın.
Valideynlərin sualları
Həkim cavablayır
Cavablar Dr. Əlituran Hüseynzadənin öz sözləridir.
Bloq
Valideynlər üçün yazılar
- Sünnət Sünnət üçün ən uyğun yaş: həkimin tövsiyəsi Həkim iki həftə–iki ay arasını ideal hesab edir. Yaş qruplarına görə yerli keyləşdirmə və sedasiya, 2–5 yaşın xüsusiyyəti və tibbi göstərişlər. Oxuyun
- Qarın və təcili hallar Uşaqda qarın ağrısı: nə vaxt təcili? Appendisit, invaginasiya, boğulmuş yırtıq — qarın ağrısının təhlükəli səbəbləri. Hansı əlamətlər gözləmək olmadığını göstərir və niyə ağrıkəsici vermək olmaz. Oxuyun
- Təhlükəsizlik Maqnit və düymə batareya: evdə gözəgörünməz təhlükə Uşaq cərrahının valideynlərə ən vacib tövsiyəsi: şarikli maqnitlər və düymə batareyalar. Niyə təhlükəlidir, udulduqda nə etməli, necə qorunmalı. Oxuyun
Bakı
Qəbul yeri
Dr. Əlituran Hüseynzadə 2026-cı ildən Bakıda Kraton Clinic-də uşaq cərrahı kimi çalışır. Qəbul öncədən qeydiyyatla aparılır.